გარდაბანში ავტოსაგზაო შემთხვევის შედეგად შვიდი ადამიანი დაიღუპა- მძიმე მდგომარეობაშია კიდევ ერთი დაშავებული.
ავტოსაგზაო შემთხვევა გარდაბანში, სოფელ ბირლიკში დღეს მოხდა.
წინასწარი ინფორმაციით მსუბუქი ავტომობილი ხეს შეეჯახა, შემდეგ კი აფეთქდა.
მომხდართან დაკავშირებით გამოძიება შინაგან საქმეთა სამინისტრომ სისხლის სამართლის კოდექსის 276-ე მუხლის მე-8 ნაწილით დაიწყო, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც გამოიწვია ადამიანის სიცოცხლის მოსპობა.
შემთხვევის ამსახველი ფოტო სოციალურ ქსელში ვრცელდება.
