წნორი-დედოფლისწყაროს დამაკავშირებელ მაგისტრალზე ავარიის შედეგად 2 ადამიანი დაშავდა.
“ფორდის” ტიპის სამგზავრო ავტომობილის მძღოლმა, სავარაუდოდ, საჭე ვერ დაიმორჩილა და “ნისანის” მარკის ავტომობილს დაეჯახა.
შეჯახების შედეგად დაშავებული ორი ადამიანი, სასწრაფო-სამედიცინო დახმარების ბრიგადამ წნორის “არქიმედეს” კლინიკაში გადაიყვანა. ექიმის განმარტებით, ორივე დაშავებულის ჯანმრთელობის მდგომარეობა სტაბილურია.
შემთხვევის ადგილზე პოლიცია და ექსპერტ-კრიმინალისტები მუშაობენ.
ავარიის გამომწვევ მიზეზად, გადაჭარბებული სიჩქარე სახელდება.