ათია მეზვრიშვილი: კანაფის შესახებ მითქმა-მოთქმა მოვისმინეთ იმ  ადამიანებისგან, ვისაც წაკითხულიც არ ქონდა კანონპროექტი

timer.ge თაიმერი
: timer.ge თაიმერი სექტემბერი 15, 2018 22:13

ათია მეზვრიშვილი: კანაფის შესახებ მითქმა-მოთქმა მოვისმინეთ იმ  ადამიანებისგან, ვისაც წაკითხულიც არ ქონდა კანონპროექტი

შინაგან საქმეთა მინისტრის მოადგილემ, ნათია მეზვრიშვილმა ტელეკომპანია
იმედის ეთერში მარიხუანას რეგულირებისა და კანაფის მოყვანა-წარმოების
შესახებ კანონპროექტებთან დაკავშირებით ისაუბრა.
მეზვრიშვილმა ხაზი გაუსვა, რომ კანონპროექტი მარიხუანას მოხმარების
რეგულირებას ახდენს და სამართლებრივ ჩარჩოს ადგენს საკონსტიტუციო
სასამართლოს გადაწყვეტილების ასახვისათვის. რაც შეეხება კანაფის მოყვანისა
და წარმოების შესახებ არსებულ მითქმა-მოთქმას, მეზვრიშვილის თქმით
გავრცელებული მოსაზრებები არასწორია და იმ პირების უმრავლესობას, ვინც ბოლო
დღეებში ამ საკითხებზე საუბრობდა, წაკითხული არ ჰქონია კანონპროექტი.  ,,
ბოლო დღეების განმავლობაში კანონპროექტთან დაკავშირებით  არაერთი აზრი და
მითქმა-მოთქმა მოვისმინეთ, მათ შორის კომენტარებს აკეთებდნენ ის
ადამიანები, რომელთაც კანონპროექტი საერთოდ წაკითხული არ ჰქონდათ და
შეიქმნა საზოგადოებრივი აზრი, თითქოს მთავრობის  კანონპროექტი თავისუფალ
მიმოქცევაში უშვებს ნარკოტიკულ საშუალებებს, ამ შემთხვევაში კანაფს ან
მარიხუანას, თითქოს ჩვენ ვიწყებთ ქვეყანაში ნარკოტიკების გაყიდვას, ხელს
ვუწყობთ მოხმარებას და ა.შ. – ეს ყველაფერი არის სიცრუე.”  – განაცხადა
მეზვრიშვილმა.
timer.ge თაიმერი
: timer.ge თაიმერი სექტემბერი 15, 2018 22:13

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


5,698
ვიზიტორი
დღეში
Powered By Google Analytics