ოკუპირებული აფხაზეთის დე ფაქტო პრეზიდენტმა, ასლან ბჟანიამ მხარდამჭერებს მოუწოდა, პროვოკაციებს არ აჰყვნენ.
„დღევანდელმა მოვლენებმა კიდევ ერთხელ დააყენა ჩვენი რესპუბლიკა დიდი პრობლემების წინაშე. აფხაზეთის ხელმძღვანელობა – აფხაზეთის „პრეზიდენტი“, აფხაზეთის „ვიცე-პრეზიდენტი“, „პრემიერ-მინისტრი“, მთავრობის „წევრები“ ადგილზე არიან, იქნებიან და გააგრძელებენ მუშაობას. გთხოვთ, პროვოკაციებს არ აჰყვეთ, მე აქ ვარ და გავაგრძელოთ მუშაობა. ძალისხმევას არ ვიშურებთ იმისთვის, რომ ამ მოვლენების შედეგები აღმოვფხვრათ. მადლობა მხარდაჭერისთვის“, – აცხადებს ბჟანია.
შეგახსენებთ, რომ ცოტა ხნის წინ გავრცელდა ინფორმაცია, რომლის მიხედვითაც ბჟანია გადადგომის მოწოდებას დათანხმდა.
