აფხაზეთის დე-ფაქტო რესპუბლიკაში, პარლამენტის დეპუტატის ასლან ბჟალიას ჯანმრთელობის მდგომარეობის გაუარესების გამო, 19 აპრილს სახელმწიფოებრიობის დაცვის საერთოეროვნული მოძრაობის საბჭოს საგანგებო სხდომა გაიმართა. ბჟალია მოსკოვის ერთ-ერთ კლინიკაშია გადაყვანილი.
“სამწუხაროდ, ჩვენ დიაგნოზთან დაკავშირებით საზოგადოებას ინფორმაციას ვერ მივაწვდით, რადგანაც, სამედიცინო დასკვნას არ გავცნობივართ” – ნათქვამია სპეციალურ განცხადებაში, რომელიც მოძრაობამ მედიისთვის გაამზადა – ადგილობრივი საინფორმაციო სააგენტოები ავრცელებენ.
