აშშ-ის თავდაცვის მდივანმა ლოიდ ოსტინმა განაცხადა, რომ შტატები უკრაინას 200 მილიონ დოლარის უსაფრთხოების ახალ პაკეტს გამოუყოფს. ოსტინმა ამის შესახებ უკრაინის თავდაცვის საკონტაქტო ჯგუფის („რამშტაინი-16“) შეხვედრის დაწყებამდე ისაუბრა, რომელიც ბრიუსელში, ნატოს შტაბ-ბინაში იმართება.
„მე ვამაყობ, რომ შეერთებული შტატები გამოაცხადებს უკრაინის უსაფრთხოების უახლეს პაკეტს, რომლის ღირებულებაა 200 მილიონი აშშ დოლარი“, – აღნიშნა ოსტინმა.
მისი თქმით, ახალ პაკეტში შედის AIM-9 ჭურვები ახალი საჰაერო თავდაცვის სისტემისთვის, რომელსაც აშშ მალე უკრაინაში გაგზავნის.
ახალი დახმარება ასევე მოიცავს დამატებით საარტილერიო საბრძოლო მასალას და რაკეტებს, მაღალი სიზუსტის საავიაციო საბრძოლო მასალებს, ტანკსაწინააღმდეგო იარაღს და აღჭურვილობას.
