აშშ უკრაინას 425 მილიონი დოლარის ღირებულების სამხედრო დახმარების ახალ პაკეტს გამოყოფს,- ინფორმაციას აშშ-ის თავდაცვის დეპარტამენტი ავრცელებს.
მათივე ცნობით, დახმარება NASAMS-სა და HIMARS-ის სისტემებისთვის საბრძოლო მასალების, ასევე საარტილერიო ჭურვებსა და დრონების საწინააღმდეგო საშუალებებს მოიცავს.
425 მილიონი დოლარიდან 125 მილიონის ღირებულების აღჭურვილობა, თავდაცვის დეპარტამენტიდან, 300 მილიონი კი უკრაინის უსაფრთხოების დახმარების ინიციატივიდან გამოიყოფა.
აღსანიშნავია, რომ ომის დაწყების შემდეგ აშშ-მ უკრაინას 44.2 მილიარდი დოლარის სამხედრო დახმარება გამოუყო.
