აშშ-ის თავდაცვის დეპარტამენტი ჯეიმს მეტისისა და გიორგი კვირიკაშვილის შეხვედრის შესახებ ინფორმაციას ავრცელებს

აშშ-ის თავდაცვის დეპარტამენტი მიუნხენის უსაფრთხოების კონფერენციის ფარგლებში თავდაცვის მდივნისა და საქართველოს დელეგაციის შეხვედრის შესახებ ინფორმაციას ავრცელებს.

როგორც პენტაგონის ოფიციალურმა წარმომადგენელმა დანა უაითმა განაცხადა, თავდაცვის მდივანი ჯეიმს მეტისი მიუნხენის უსაფრთხოების კონფერენციის ფარგლებში შეხვდა საქართველოს პრემიერ-მინისტრს გიორგი კვირიკაშვილსა და თავდაცვის მინისტრ ლევან იზორიას. შეხვედრაზე თავდაცის სფეროში აშშ-საქართველოს ურთიერთობები და რეგიონული უსაფრთხოების საკითხები განიხილეს.

პენტაგონის წარმომადგენლის თქმით, თავდაცვის მდივანმა მაღალი შეფასება მისცა საქართველოს სამსახურს ავღანეთში აშშ-სა და ნატო-ს ძალების გვერდით როგორც უმსხვილეს ნატო-ს არაწევრ კონტრიბუტორს.

უაითის თქმით, ჯეიმს მეტისმა აღნიშნა, რომ ეს სამსახური საქართველოს 32 ქართველი ჯარისკაცის სიცოცხლე და 290 დაშავებული დაუჯდა.

მეტისმა კიდევ ერთხელ დაადასტურა აშშ-ის მხარდაჭერა საქართველოს სუვერენიტეტისა და ტერიტორიული მთლიანობისადმი. თავდაცვის მდივანმა განიხილა საქართველოს მიერ თავდაცვის რეფორმებში მიღწეული მნიშვნელოვანი პროგრესი და საქართველოს შეიარაღებული ძალებისადმი აშშ-ის დახმარება, ასევე პარტნიორობა საბრძოლო მზადყოფნისა და ინსტიტუციური შესაძლებლობების გასაძლიერებლად საქართველოს შეიარაღებული ძალების მზადყოფნის პროგრამის ფარგლებში.

banner
წინა სტატიაშიკობახიძე კალაძეს ხვდება
შემდეგი სტატიამაუწყებლის შესახებ კანონზე პრეზიდენტის ვეტოსთან დაკავშირებით გადაწყვეტილებას მმართველი გუნდი დღეს მიიღებს