აშშ-ის კენტუკის შტატში წყალდიდობას 4 ადამიანი ემსხვერპლა. ინფორმაციას The Guardian კენტუკის გუბერნატორ ენდი ბეშიარზსე დაყრდნობით ავრცელებს და წერს, რომ კენტუკისა და ინდიანას შტატში გადაუღებლად წვიმს, სინოპტიკოსები კი ვარაუდობენ, რომ მოსალოდნელია ნალექის მატება.
კენტუკის შტატში ნალექის რაოდენობამ 18 სმ-ს მიაღწია. წყალდიდობის საფრთხის შესახებ მოსახლეობას მოკლე ტექსტური შეტყობინებები გაეგზავნათ. უამინდობის გამო კენტუკის შტატის გუბერნატორმა საგანგებო მდგომარეობა გამოაცხადა, ხელისუფლება მოსახლეობას სიფრთხილისაკენ მოუწოდებს
