აშშ-ს პრეზიდენტ დონალდ ტრამპს შეუძლია აღლუმის ჩატარება, თუმცა, არა იმ გეგმით, როგორიც მან საზოგადოებას გააცნო – შაბათს ამერიკულმა მედიამ დაწერა. სავარაუდოდ, აღლუმი 4 ივლისს ჩატარდება, ამერიკის დამოუკიდებლობის დღეს და არა 11 ნოემბერს – ვეტერანთა დღეს. გარდა ამისა, ვაშინგრონის ქუჩებში, თეთრი სახლიდან კაპიტოლიუმამდე, გზის საფარის დაცვის მიზნით, ტანკები ვერ გაივლიან. ტანკების ნაცვლად, მასში მონაწილეობას მიიღებს სამხედრო ტექნიკა, რომელიც ბორბლებზეა, ასევე, სამხედრო თვითმფრინავები.
აშშ-ში დიდი სამხედრო აღლუმი ბოლოს 25 წლის წინ გაიმართა. ჟურნალისტების აზრით, ტრამპს იდეა სამხედრო აღლუმის შესახებ პარიზში დაებადა, 2017 წლის ზაფხულში, როცა საფრანგეთის ეროვნული დღისადმი მიძღვნილ ღონისძიებას დაესწრო.
