ამერიკის შეერთებული შტატების სახელმწიფო დეპარტამენტი რუსეთის საოკუპაციო რეჟიმის მიერ აფხაზეთის რეგიონის სოფლებში – ნაბაკევსა და ოტობაიაში, ე.წ. გადასასვლელი პუნქტების დახურვის გამო, უკიდურეს შეშფოთებას გამოხატავს.
სახელმწიფო დეპარტამენტის პრესმდივნის მარკ ტონერის განცხადებაში ნათქვამია, რომ პუნქტების დახურვა გადაადგილებას კიდევ უფრო შეზღუდავს და ადგილობრივ მოსახლეობას დააზარალებს.
„მსგავსი ქმედებები ადგილობრივებისთვის არა მხოლოდ ჰუმანიტარულ სირთულეებს ქმნის, ის ასევე, აქრობს ხალხის ნდობასა და რწმენას, ძირს უთხრის ჟენევის საერთაშორისო დისკუსიებს“, – ნათქვამია განცხადებაში.
ოკუპირებული აფხაზეთის დეფაქტო ხელისუფლების გადაწყვეტილებით, ხურჩა-ნაბაკევისა და ორსანტია-ოტობაიას ე.წ. გადასასვლელი პუნქტები ჩაიკეტა.