აშშ-ს სახელმწიფო დეპარტამენტის წარმომადგენელმა მარკ ტონერმა განაცხადა, რომ აშშ მხარს არ უჭერს ე.წ. სამხრეთ ოსეთში 2017 წელს რუსეთთან გაერთიანების შესახებ რეფერენდუმის ჩატარებას. “ჩვენ მხარს ვუჭერთ საქართველოს ტერიტორიულ მთლიანობას და სუვერენიტეტს, რაც სამხრეთ ოსეთსაც გულისხმობს. ამგვარად, ჩვენ არ ვაღიარებთ სამხრეთ ოსეთის არც ერთ მცდელობას, მიიღოს სუვერენიტეტი” – აღნიშნა ტონერმა. შეგახსენებთ, რომ ე.წ. სამხრეთ ოსეთის რუსეთთან გაერთიანების რეფერენდუმი 2017 წელს გაიმართება, რის შესახებაც განცხადება გააკეთა დე-ფაქტო პრეზიდენტმა ლეონიდ თიბილოვმა.