აშშ-ს საელჩო მთავრობის მუშაობის შეწყვეტაზე განცხადებას ავრცელებს:
“აშშ-ს საელჩოს საკონსულო მომსახურება გაგრძელდება კონგრესის მიერ საბიუჯეტო სახსრების ასიგნირებამდე. თუ დანიშნული გაქვთ სავიზო გასაუბრება ან ამერიკის მოქალაქეთა მომსახურების თაობაზე შეხვედრა, გთხოვთ, გამოცხადდეთ საელჩოში შეთანხმებულ დროს. აშშ-ს მთავრობის მუშაობის აღდგენამდე ეს გვერდი რეგულარულად არ განახლდება, გარდა საგანგებო და უსაფრთხოების შესახებ ინფორმაციისა”.
აშშ-ს კონგრესმა ბიუჯეტი მეორე მცდელობითაც ვერ დაამტკიცა. შედეგად, მთავრობა მუშაობას ისევ წყვეტს.
ეს წელს მეორე Shutdown-ია.
პირველი მცდელობის შემდეგ მთავრობის მუშაობა რამდენიმე დღის განმავლობაში პარალიზებული იყო. მიიღეს დროებითი ბიუჯეტი – 8 თებერვლამდე.
