აშშ-ს სახელმწიფო დეპარტამენტმა თანხმობა განაცხადა პოლონეთისთვის 10,5 მილიარდი დოლარის ღირებულების რაკეტსაწინააღმდეგო სისტემების მიწოდებაზე. როგორც იუწყება სააგენტო “Reuters”, “Patriot”-ის ტიპის რაკეტსაწინააღმდეგო სისტემები პოლონეთში 2019 წელს გაიგზავნება. აშშ-ს ხელისუფლებამ ეს გადაწყვეტილება მას შემდეგ მიიღო, რაც რუსეთმა ყირიმის ოკუპაცია მოახდინა.
აშშ-ს თავდაცვის სამინისტროს ცნობით, რაკეტსაწინააღმდეგო სისტემების მიწოდება ორ ეტაპად ჩატარდება. შესაბამისი კონტარქტი ჯერ გაივლის ფორმალურ დამტკიცებას კონგრესში, ხოლო შემდეგ რაკეტსაწინააღმდეგო სისტემების მწარმოებელი კომპანია “Raytheon” პირადად დაამყარებს კონტრაქტს პოლონურ მხარესთან.
