ამერიკის შეერთებულმა შტატებმა კარიბის ზღვაში ნარკოტიკების გადამზიდი გემი დაბომბა – დაიღუპა 3 ადამიანი. მომხდარის შესახებ ინფორმაციას ამერიკის შეერთებული შტატების სამხრეთის სარდლობა ავრცელებს
“13 თებერვალს, მეთაურის, გენერალ ფრენსის ლ. დონოვანის მითითებით, ერთობლივმა სამუშაო ჯგუფმა „სამხრეთის შუბმა“ სასიკვდილო კინეტიკური დარტყმა განახორციელა ტერორისტული ორგანიზაციების მიერ მართულ გემზე. დაზვერვამ დაადასტურა, რომ გემი კარიბის ზღვის აუზში ცნობილი მარშრუტებით მოძრაობდა და ნარკოტრეფიკინგის ოპერაციებში იყო ჩართული. ამ ოპერაციის დროს სამი ნარკოტერორისტი დაიღუპა. აშშ-ის სამხედრო ძალების არცერთი წევრი არ დაშავებულა”,_ წერს აშშ-ის სამხრეთის სარდლობა პლატფორმა X-ზე.
