აშშ-ს სახელმწიფო დეპარტამენტმა, თურქეთში სტამბულის საკონსულოს თანამშრომელთა ოჯახის წევრებს ქალაქის დატოვება უბრძანა.
სახელმწიფო დეპარტამენტის განცხადებაში მსგავსი ბრძანების მიზეზად დასახელებულია ექსტრემისტული დაჯგუფებების მცდელობები თავს დაესხან ამერიკელ მოქალაქეებს სტამბულში მათი საცხოვრებელ და თავშეყრის ადგილებში.
საფრთხეებს შორის, რომელიც თურქეთში მყოფ ამერიკელი დიპლომატების ოჯახებს ემუქრება, დასახელდა შეიარაღებული თავდასხმა, გატაცება და აფეთქება.
