ამერიკის შეერთებული შტატების სენატის წარმომადგენლები კიევში უკრაინის პრეზიდენტს, ვოლოდიმირ ზელენსკის შეხვდნენ.
ზელენსკიმ აშშ-ის ოფიციალურ პირებს ვიზიტისთვის მადლობა გადაუხადა და თქვა, რომ ეს უკრაინის ორპარტიული მხარდაჭერის ძლიერი სიგნალია.
“აშშ-ის სენატის დელეგაციის ვიზიტი, რომელსაც კონგრესის ზედა პალატაში რესპუბლიკური უმცირესობის ლიდერი, მიტჩელ მაკკონელი ხელმძღვანელობს, არის უკრაინის ორპარტიული მხარდაჭერის ძლიერი სიგნალი შეერთებული შტატების კონგრესისა და ამერიკელი ხალხის მხრიდან. მადლობა თქვენი ლიდერობისთვის, რომელიც გვეხმარება ბრძოლაში არა მხოლოდ ჩვენი ქვეყნისთვის, არამედ დემოკრატიული ღირებულებებისა და თავისუფლებისთვის. ჩვენ ძალიან ვაფასებთ ამას”, – დაწერა ზელენსკიმ Facebook-ზე.