აშშ-ის საელჩოდან არავინ ცდილობს მოსამართლეებზე ზეწოლას, ჩვენ ასე არ ვმუშაობთ – დეგნანი

შეერთებული შტატების ელჩი საქართველოში, კელი დეგნანი, ნიკა გვარამიას საქმის მოსამართლის ბრალდებებს კიდევ ერთხელ ეხმაურება და აცხადებს, რომ აშშ-ის საელჩო მართლმსაჯულებაში არ ერევა.

დეგნანის თქმით, საელჩოს მიზანია დაეხმაროს საქართველოს სასამართლოს, გახდეს მეტად დამოუკიდებელი და გამჭვირვალე.

“ჩვენი პროგრამები არაა შექმნილი იმისთვის, რომ ვინმე დაასანქციროს, ეს პროგრამები არის ღია მოსამართლეებისთვის, პროკურორებისთვის, იურისტებისთვის, მათ ვისაც აქვთ სურვილი, ითანამშრომლონ თავიანთ კოლეგებთან აშშ-ში და მიიღონ გამოცდილება. ჩვენი საქმიანობა საქართველოში სასამართლო სისტემასთან დაკავშირებით ბოლო 30 წლის განმავლობაში გულისხმობს სასამართლო სისტემის დახმარებას, რომ ის იყოს დამოუკიდებელი, გამჭვირვალე, რომ გადაწყვეტილებები დაფუძნებული იქნეს კანონზე, მტკიცებულებებზე და იქნეს მიღებული დამოუკიდებლად.

ძალიან სამწუხაროა, თუ ვინმე ცდილობს მოსამართლეებზე ზეგავლენის მოხდენას, თუმცა გარწმუნებთ, რომ ეს საელჩოს წარმომადგენელი ნამდვილად არ არის. მე მქონდა კარგი შეხვედრები ქართველ მოსამართლეებთან, მათ შორის უზენაეს სასამართლოს თავმჯდომარესთან, იუსტიციის უმაღლესი საბჭოს თავმჯდომარესთან, სადაც ჩვენ განვიხილავდით ჩვენს წარმატებულ თანამშრომლობას საქართველოს სისტემასთან, რაც მიმართულია უფრო დამოუკიდებელი, გამჭვირვალე სასამართლოს შექმნისკენ და განვიხილეთ ეს წარმატებული საქმიანობა.

არავინ ცდილობს აშშ-ის საელჩოდან ზეწოლა მოახდინოს მოსამართლეებზე, ჩვენ ასე არ ვმუშაობთ და ჩვენი სურვილია დავეხმაროთ საქართველოს სისტემას, იყოს უფრო დამოუკიდებელი და გამჭვირვალე”, – თქვა კელი დეგნანმა.

banner
წინა სტატიაში„ქართული ოცნების“ გუნდი არავის დასხმია თავს, მით უმეტეს პარტნიორებს, მეგობრებს შორის შესაძლოა, იყოს გარკვეული გაუგებრობა, შეკითხვაც დაისვას, რაც ლეგიტიმურია – ოხანაშვილი
შემდეგი სტატიაპარტიები, რომლებიც სამუშაო რეჟიმში ჩაერთვებიან, ფსონს დებენ, რომ ქვეყანამ კანდიდატის სტატუსი მიიღოს, ხოლო ვინც არ ჩაერთვება, სტატუსის არმიღებაზე დებს ფსონს – სამხარაძე