ამერიკის შეერთებული შტატების სახელმწიფო მდივნის თანაშემწე კარენ დონფრიდი საქართველოს პრემიერმინისტრსა და საგარეო საქმეთა მინისტრს შეხვდა. ინფორმაციას აშშ-ის საელჩო ავრცელებს:
“პრემიერმინისტრ ღარიბაშვილთან და საგარეო საქმეთა მინისტრ დარჩიაშვილთან შეხვედრისას სახელმწიფო მდივნის თანაშემწე დონფრიდმა ისაუბრა აშშ-ის მთავრობის მზაობაზე, დაეხმაროს საქართველოს რეკომენდებული დემოკრატიული რეფორმების განხორციელებაში და ევროატლანტიკური გზის გაგრძელებაში”, – წერს საელჩო.
