აშშ-ის კოსმოსური ძალების ინფორმაციით, ამერიკა საკონტინენტთაშორისო ბალისტიკურ რაკეტას გამოცდის.
ვანდენბერგის კოსმოსური ძალების ბაზიდან შეუიარაღებელი (ბირთვული ქობინის გარეშე) Minuteman III-ის ტიპის საკონტინენტთაშორისო ბალისტიკური რაკეტის საცდელი გაშვება 20 მაისს განხორციელდება.
რაკეტის გაშვება ადგილობრივი დროით 00:01 საათიდან 6:01 საათამდეა დაგეგმილი.
აშშ-ის კოსმოსური ძალების განცხადებით, გამოცდის მიზანი საკონტინენტთაშორისო ბალისტიკური რაკეტის ეფექტურობის, მზადყოფნისა და სიზუსტის შემოწმებაა.
„ეს რუტინული გაშვება წლების წინ დაიგეგმა და მსოფლიო მოვლენებზე რეაქციას არ წარმოადგენს“, – ნათქვამია განცხადებაში.
