“უკრაინაში ომი შესაძლოა მომდევნო 90 დღის განმავლობაში დასრულდეს”, – ამის შესახებ აშშ-ის ელჩმა NATO-ში, მეთიუ უიტაკერმა FOX NEWS-თან ინტერვიუში განაცხადა.
როგორც ელჩი აღნიშნავს, იმ შემთხვევაში, თუ შეთანხმება მიღწეული იქნება ომიც დასრულდება. მისი თქმით, მხარეებმა ძირითადი საკითხების მოგვარება შეძლეს.
“უკრაინაში ომი შესაძლოა მომდევნო 90 დღის განმავლობაში დასრულდეს. თუ შეთანხმებას მივაღწევთ, მაშინ ეს მომდევნო 90 დღის განმავლობაში უნდა მოხდეს. ვფიქრობ, ძირითადი საკითხების მოგვარება შევძელით, რომელიც საკამათო იყო. ვფიქრობ, ამ პრობლემის მოგვარებასთან ისე ახლოს ვართ, როგორც არასდროს, თუმცა არის ისეთი საკითხებით, რომლებიც ჯერ კიდევ გადასაწყვეტია, რათა მხარეებმა შეთანხმებას მიაღწიონ. […] ეს უაზრობა, რომელიც უკვე 4 წელს გრძელდება და უპირატესობის მოპოვებას ვერც ერთი მხარე ვერ ახერხებს, ხალხის მკვლელობები და ქვეყნების ნგრევა უნდა დასრულდეს”, – ამბობს მეთიუ უიტაკერი.
