აშშ-ის და რუსეთის წარმომადგენლებს შორის სატელეფონო საუბარი გაიმართა.
რუსეთის პრეზიდენტის პრესმდივნის, დიმიტრი პესკოვის განცხადებით, რუსეთსა და აშშ-ს შორის მოლაპარაკებებში ჩართული იყვნენ რუსეთის პრეზიდენტის თანაშემწე, იური უშაკოვი და თეთრი სახლის რამდენიმე წარმომადგენელი.
„მას შემდეგ, რაც დმიტრიევმა პრეზიდენტს ამერიკაში მოგზაურობისა და ამერიკელებთან კონტაქტების შედეგების შესახებ ინფორმაცია მიაწოდა, ეს ინფორმაცია გაანალიზდა და, პრეზიდენტ პუტინის მითითებით, რუსეთისა და აშშ-ის ადმინისტრაციების წარმომადგენლებს შორის სატელეფონო კონტაქტი შედგა. მათ გადაწყვიტეს დიალოგის გაგრძელება“, – განაცხადა დიმიტრი პესკოვმა.
