აშშ და პარტნიორები მზად არიან დაეხმარონ უკრაინას წარმატების მიღწევაში – ოსტინი

აშშ-ის თავდაცვის მდივანმა, ლოიდ ოსტინმა ტაილანდში ვიზიტისას გამართულ ბრიფინგზე განაცხადა, რომ ამერიკა მზადაა უზრუნველყოს ყველაფერი და დაეხმაროს უკრაინას. მისივე თქმით, იგივესთვის მზად არიან პარტნიორი ქვეყნები მთელი მსოფლიოდან.

ოსტინმა განაცხადა, რომ გააგრძელებენ მუშაობას იმისთვის, რომ მიიღონ რაც შეიძლება მეტი, რაც შეიძლება სწრაფად რათა უკრაინას წარმატების მიღწევაში დაეხმარონ.

“უპირველეს ყოვლისა, აშშ მზადაა უზრუნველყოს ყველაფერი და დაეხმაროს უკრაინას იყოს წარმატებული, გაითვალისწინეთ ის ფაქტი, რომ ჩვენ გვაქვს ჩვენი მზადყოფნა და არა მხოლოდ, ჩვენ გვყავს პარტნიორები მთელი მსოფლიოდან, რომლებიც მზად არიან დაეხმარონ უკრაინას მნიშვნელოვანი გზებით. თქვენ იცით, ჩვენ უკვე შევიტანეთ დიდი რაოდენობით ჰაუბიცები და მნიშვნელოვანი რაოდენობით 155 საბრძოლო მასალა, სხვა ბევრ რამესთან ერთად. მაგრამ სხვა ქვეყნებმა ასევე შეიტანეს 155 ჰაუბიცა.

ასე რომ, ჩვენ გავაგრძელებთ მუშაობას იმისთვის, რომ მივიღოთ რაც შეიძლება მეტი, რაც შეიძლება სწრაფად, რათა დავეხმაროთ მათ წარმატებას. და ჩვენი ყურადღება გამახვილებულია იმაზე, რომ დავრწმუნდეთ, რომ ჩვენ ვეხმარებით მათ, მივცემთ იმას, რაც საჭიროა მათი სუვერენული ტერიტორიის დასაცავად”, – თქვა ოსტინმა.

მისი განცხადებით, ამერიკა ორიენტირებული იქნება გააკეთოს ის, რისიც სჯერა, რომ უნდა გააკეთოს უკრაინის დასახმარებლად.

banner
წინა სტატიაშისაქართველოს ბანკის მხარდაჭერით მორიგი იდეათეკა დაბა ჩოხატაურის №1 საჯარო სკოლაში გაიხსნა
შემდეგი სტატიადანიაში საქართველოს ელჩი – საქართველოს პარლამენტის დელეგაციის პირველ ოფიციალური ვიზიტს დანიაში დიდ მნიშვნელობას ანიჭებენ ამ ქვეყანაში