კონგრესმენების კრიტიკულ და მწვავე შეფასებებზე საუბრობს ფიქრია ჩიხრაძე. მისი განცხადებით, ხელისუფლება ჩიხშია, რომელიც ბიძინა ივანიშვილის მოქმედებებმა შექმნა.
“ბევრი ყოფილა მწვავე შეფასება, მაგრამ ასე ერთმანეთის მიყოლებით და ასეთი უმწვავესი შეფასებებით, მე უბრალოდ არა მარტო ამ ხელისუფლების პირობებში, არც ერთი წინა ხელისუფლების პირობებში არ მახსოვს.
ხელისუფლება დღეს არის ჩიხურ სიტუაციაში. ეს ჩიხი შექმნა ბიძინა ივანიშვილის მოქმედებებმა, ბიძინა ივანიშვილის სურვილმა, რომ ის უვადოდ დარჩეს ხელისუფლებაში,” – აცხადებს ფიქრია ჩიხრაძე.