სირიის სამთავრობო ჯარებმა ქალაქ დუმაზე კონტროლი დაიბრუნეს – ეს ერთადერთი ადგილი იყო აღმოსავლეთ გუტაში, სადაც ამბოხებული ოპოზიცია იყო გამაგრებული. ქალაქი დუმა უკანასკნელი რამდენიმე დღეა აქტიური განხილვის საგანია მსოფლიო პოლიტიკასა და მედიაში – რამდენიმე დღის წინ იქ მშვიდობიანი მოსახლეობის წინააღმდეგ ქიმიური იარაღის გამოყენების შესახებ გავრცელდა ინფორმაცია.ქალაქ დუმაში წესრიგს რუსეთის ფედერაციის სამხედრო პოლიცია ამყარებს.