სირიის ლიდერმა ბაშარ ასადმა განაცხადა, რომ ასტანაში მოლაპარაკებების მიზანია ამბოხებულებთან შეთანხმება მათ იარაღი დადონ, რომლის შემდეგადაც ისინი შეწყალებული იქნებიან.
ასადმა იაპონურ არხთან ინტერვიუში თქვა, რომ არ იცის ასტანაში დაგეგმილი შეხვედრა დაუდებს თუ არა პოლიტიკურ დიალოგს საფუძველს, “რადგანაც უცნობია, ვინ მიიღებს მასში მონაწილეობას”. სირიის ლიდერი იმედოვნებს, რომ შეხვედრა “ყველაფრის ერთად განხილვის პლატფორმა გახდება”.
შეგახსენებთ, რომ ასტანაში სირიის თემაზე შეხვედრის ორაგიზატორები არიან რუსეთი, თურქეთი და ირანი. ის მომავალ კვირას გაიმართება.