ავარიის შედეგად მძიმედ დაშავებული 5 სამხედრო მოსამსახურე თბილისში, რეანომობილებით გადმოჰყავთ.
თავდაცვის სამინისტროს ინფომაციით, ჯარისკაცებს, რომლებმაც ავარიის შედეგად მძიმე დაზიანებები მიიღეს, სასწრაფოდ ესაჭიროებათ თბილისში გადაყვანა.
ორი დაშავებული ჯარისკაცის მდგომარეობა განსაკუთრებით მძიმეა.
დედოფლისწყარო-სიღნაღი-თბილისის დამაკავშირებელ ავტომაგისტრალზე, სოფელ ბოდბეს მიმდებარე ტერირიტორიაზე, “კამაზის” მარკის სამხედრო ავტომობილი ამოტრიალდა, რომელშიც 20-მდე სამხედრო მოსამსახურე იმყოფებოდა. შემთხვევის ადგილზე ერთი ჯარისკაცი ადგილზე გარდაიცვალა, 10-მდე კი მძიმედ დაშავდა. დაშავაბულები დედოფლისწყაროსა და წნორის საავადმყოფოებში გადაიყვანეს.