არქიმანდრიტი ანტონ იოსელიანი მოსაყდრე შიოს “კათოლიკოს-პატრიარქის წოდებას” არჩევნების ჩატარებამდე ულოცავს.
“დიდი პატივისცემით გილოცავთ! საქართველოს კათოლიკოს-პატრიარქის წოდებას. ღირსეულად გატაროს ამ დიდ საპასუხისმგებლო უფლის გზაზე!”,- წერს ის სოციალურ ქსელში.
28 აპრილს სინოდმა 3 საპატრიარქო კანდიდატი გამოარჩია: საპატრიარქო ტახტის მოსაყდრე მიტროპოლიტი შიო მუჯირი, ფოთისა და ხობის მიტროპოლიტი გრიგოლ ბერბიჭაშვილი და მროველ-ურბნელი მიტროპოლიტი იობ აქიაშვილი. მეუფე შიომ 20 ხმა, დანარჩენმა ორმა კანდიდატმა კი 7-7 ხმა მიიღო.
ამ სამი კანდიდატიდან ერთ-ერთს საქართველოს მართლმადიდებელი ეკლესიის გაფართოებულ კრებაზე სრულიად საქართველოს კათოლიკოს-პატრიარქად აირჩევენ. ოფიციალურად უცნობია კონკრეტული თარიღი, თუმცა საქართველოს მართლმადიდებელი ეკლესიის მართვა-გამგეობის დებულების მიხედვით, კრება 17 მაისამდე უნდა ჩატარდეს.
