არინზე რიჩარდ ოგბუნუჯუ – კალაძემ რაც შეეძლო გააკეთა, მე უკეთესი შემიძლია – ქართველების სიძე ვარ, სიძემ ქვეყნისთვის რამე ხომ უნდა გააკეთოს?

gulis eleqsiri

კალაძე კარგი ადამიანია, რაც შეეძლო გააკეთა. მე უკეთესი შემიძლია ის, რაც მოსახლეობას სჭირდება. ხალხს აქ სამსახური სჭირდება, მომავლის იმედი არ აქვთ, შემიძლია ეს პრობლემა მოვუგვარო, – ამის შესახებ პარტია „ჩვენი გაერთიანებული საქართველოს“ თბილისის მერობის კანდიდატმა არინზე რიჩარდ ოგბუნუჯუმ განაცხადა.

მისივე თქმით, ქუჩაში ფეხით გადაადგილდება და საზოგადოების პრობლემებს კარგად იცნობს.

„დარწმუნებული ვარ, ამ ქალაქისთვის ბევრის გაკეთება შემიძლია. ხალხს აქ უჭირს და შემიძლია, მაქვს რესურსი მათ დავეხმარო. ჩვენ გვაქვს უკეთესი საშუალება, რომ მოქალაქეებს ვუშველოთ. ქუჩაში ფეხით დავდივარ, ვიცი, მოსახლეობას რა უჭირს, შემიძლია, მათ პრობლემები მოვუგვარო. საქართველოში ვარ, აქაური პრობლემებით ვფიქრობ.

კალაძე კარგი ადამიანია, მან რაც შეეძლო გააკეთა. მე უკეთესი შემიძლია ის, რაც მოსახლეობას სჭირდება. მოსახლეობას აქ სამსახური სჭირდება. მომავლის იმედი არ აქვთ, შემიძლია მათ ეს პრობლემა მოვუგვარო.

ქართველების სიძე ვარ, ქართველები ჩემი ნათესავები არიან, ჩემი ხალხი… სიძემ ქვეყნისთვის, რამე ხომ უნდა გააკეთოს?!“, – განაცხადა ოგბუნუჯუმ.

წინა სტატიაშიNDI საქართველოს 2021 წლის ადგილობრივი არჩევნებისთვის საერთაშორისო საარჩევნო პროგრამას იწყებს
შემდეგი სტატიაჯაფარიძე “ოცნებაზე” – უტიფარი ვირეშმაკები არიან