არესტოვიჩი – რუსეთთან მოლაპარაკების მაგიდასთან დაჯდომა შეიძლება მხოლოდ მაშინ, თუ უკრაინა მიიღებს გარანტიებს არა მხოლოდ დასავლეთისგან, არამედ სხვა ქვეყნებისგანაც

რუსეთთან მოლაპარაკების მაგიდასთან დაჯდომა შეიძლება მხოლოდ მაშინ, თუ უკრაინა მიიღებს გარანტიებს არა მხოლოდ დასავლეთისგან, არამედ სხვა ქვეყნებისგანაც, – ამის შესახებ უკრაინის პრეზიდენტის ადმინისტრაციის ხელმძღვანელის ყოფილმა მრჩეველმა, ალექსეი არესტოვიჩმა ჟურნალისტ ნიკოლა ფელდმანთან, იუთუბ-არხის ეთერში განაცხადა, რომელშიც პოლიტოლოგი იური რომანენკოც მონაწილეობდა.

რომანენკომ არესტოვიჩს კითხვა დაუსვა იმის შესახებ, რომ „რუსეთთან ნებისმიერი მოლაპარაკება არ შეიძლება დაიწყოს იმაზე ადრე, ვიდრე უკრაინა არ მიიღებს უსაფრთხოების გარანტიებს დასავლეთისგან“, რაზეც არესტოვიჩმა განაცხადა:

„რუსეთთან მოლაპარაკების მაგიდასთან დაჯდომა შეიძლება მხოლოდ მაშინ, თუ უკრაინა მიიღებს გარანტიებს. მათ შორის პრეზიდენტიც ამბობს, რომ ჯერ უნდა მივიღოთ გარანტიები სხვადასხვა ქვეყნებისგან და არა მხოლოდ დასავლეთისგან. ამაზე საუბარი იყო მალტაზეც და ა.შ. და მხოლოდ ამის შემდეგ არის შესაძლებელი მოლაპარაკებები. გარანტიების გარეშე არანაირი აზრი არ აქვს. გარანტიების მოცემითაც კი, არ არსებობს გარანტია, რომ პუტინი ბოლომდე შეასრულებს ამ შეთანხმებას. გარანტიების გარეშე თუ აღმოჩნდა, რომ პუტინის მდგომარეობა მკვეთრად გაუარესდა, ამ შემთხვევაში, მოლაპარაკების მაგიდასთან ახლოსაც არავინ მივა. მოდით, ეს ფორმულა დავალაგოთ – თავიდან გარანტიები, არსებითი მოლაპარაკებები, რომლის მიხედვითაც, მკვეთრად შემცირდება რუსეთის გავლენა, იმ შემთხვევაში, თუ დაარღვევს ამ გარანტიებს. მხოლოდ ამის შემდეგ იქნება შესაძლებელი ცეცხლის შეწყვეტა და მოლაპარაკებები“, – განაცხადა არესტოვიჩმა.

banner
წინა სტატიაშიხაბეიშვილი – ქართველ ემიგრანტებს შესაძლებლობა უნდა ჰქონდეთ, 2024 წელს არჩევნებში მონაწილეობა ონლაინ მიიღონ
შემდეგი სტატიაისრაელი ღაზასთან ყოველგვარ კონტაქტს წყვეტს და ქვეყანაში დასაქმებულ პალესტინელებს ღაზაში აბრუნებს