საქართველოს პარლამენტის თავმჯდომარის, არჩილ თალაკვაძის განცხადებით, მიმდინარეობს მუშაობა საპარლამენტო არჩევნების დროს კორონავირუსთან დაკავშირებით უსაფრთხოების წესებზე.
„ამასთან დაკავშირებით ვგეგმავთ, რომ კონსულტაციები გავმართოთ ასევე მხარეებთან, მათ შორის პოლიტიკურ პარტიებთან და საბოლოოდ მივიღოთ ისეთი გადაწყვეტილება, რომელიც ერთი მხრივ, დაიცავს ჩვენს მოქალაქეებს კოვიდინფექციის გავრცელებისგან არჩევნების დროს და ასევე, რასაკვირველია, უზრუნველყოფს მათი საარჩევნო უფლებების სრულ რეალიზებას“,- განაცხადა არჩილ თალაკვაძემ.
