არჩილ თალაკვაძე: სახელმწიფო მდივნის ვიზიტი არის პირდაპირი გზავნილი, რომ საქართველოს აქვს ძლიერი მხარდაჭერა ამერიკის შეერთებული შტატების მხრიდან

საქართველოსთვის ძალიან მნიშვნელოვანია ამერიკის შეერთებული შტატების სახელმწიფო მდივნის ვიზიტი საქართველოში.ამის შესახებ არჩილ თალაკვაძე აცხადებს.

“საქართველოსთვის ძალიან მნიშვნელოვანია ამერიკის შეერთებული შტატების სახელმწიფო მდივნის ვიზიტი საქართველოში ეს არის პირდაპირი გზავნილი, რომ საქართველოს აქვს ძლიერი მხარდაჭერა ამერიკის შეერთებული შტატების მხრიდან.
რასაკვირველია, ჩვენ, მაქსიმალურად ვეცდებით, რომ მაიკ პომპეოს დავხვდეთ ჩვეული სტუმართმოყვარეობით და პოზიტიური დღის წესრიგით“,- ასე ეხმაურება საქართველოს პარლამენტის თავმჯდომარე ამერიკის შეერთებული შტატების სახელმწიფო მდივნის, მაიკ პომპეოს დაგეგმილ ვიზიტს.

არჩილ თალაკვაძის თქმით, სახელმწიფო მდივანი საქართველოს საერთაშორისო ვიზიტების სერიის ფარგლებში ეწვევა.

„ჩვენ მოველით, რომ იქნება საქართველოს პრეზიდენტთან, პრემიერ-მინისტრთან და საგარეო საქმეთა მინისტრთან იმ სტრატეგიულ საკითხებზე საუბარი, რომელიც საქართველო-ამერიკის ორმხრივი დღის წესრიგის ნაწილია. ეს საკითხები ცნობილია ჩვენი საზოგადოებისთვის,- განაცხადა პარლამენტის თავმჯდომარემ ტვ ,,რუსთავი 2”-ის ეთერში.

რეკლამის ბანერი
წინა სტატიაშიარჩილ თალაკვაძე: პარტიებს შორის დიალოგის დაწყება პოზიტიურია, რაშიც გვაქვს მეგობრების მხარდაჭერა – ქვეყნის მტრებს სურთ, რომ ჩვენ დავიყოთ, მაგრამ „ქართული ოცნება“ მოწოდებულია გააერთიანოს საზოგადოება
შემდეგი სტატიაWashington Examiner: გახარიას სახელისუფლებო სკამის მიღმა რეალური ძალაუფლება ივანიშვილს აქვს