არჩილ თალაკვაძე : რუსეთი საქართველოს მომავალს ვერ განსაზღვრავს

admin
ავტ.: admin ოქტომბერი 4, 2019 13:11

არჩილ თალაკვაძე : რუსეთი საქართველოს მომავალს ვერ განსაზღვრავს

ამოწვევების მიუხედავად, ჩვენ განვსაზღვრავთ ჩვენს მომავალს, რუსეთის ფედერაცია საქართველოს მომავალს ვერ განსაზღვრავს, – ამის შესახებ საქართველოს პარლამენტის თავმჯდომარემ, არჩილ თალაკვაძემ ბათუმში, გენერალური მდივნის მოადგილის, როუზ გოტმიოლერისა და ნატო-ს წევრი ქვეყნების მუდმივი წარმომადგენლების დელეგაციასთან შეხვედრაზე სიტყვით გამოსვლისას განაცხადა.

არჩილ თალაკვაძემ ქვეყნის წინაშე არსებული გამოწვევების შესახებ ისაუბრა, რომელიც ოკუპაციას და ოკუპირებულ რეგიონებში არსებულ ვითარებას უკავშირდება. როგორც პარლამენტის თავმჯდომარემ აღნიშნა, საქართველო აუცილებლად მიაღწევს ტერიტორიულ მთლიანობას მშვიდობიანი გზით.

„როგორც ხდება რეალურ ცხოვრებაში, არის ცუდი ამბებიც და ეს ცუდი ამბავია, რომ დღემდე რჩება ჩვენთვის გამოწვევად ჩვენი ქვეყნის ტერიტორიების 20 პროცენტის ოკუპაცია. ეს არ არის გაყინული კონფლიქტი, ეს არ არის პრობლემა, რომელიც უკვე მოხდა, ეს არის გამოწვევა, რომელიც დღესაც არსებობს, რომელიც თავისი უარესი სახით გრძელდება დღემდე. ეს გულისხმობს ოკუპირებულ რეგიონებში ადამიანის უფლებების მძიმე დარღვევებს, ჩვენი მოქალაქეების გატაცების შემთხვევებს, გულისხმობს სხვადასხვა საფრთხეებს, რაც მომდინარეობს ოკუპირებული ტერიტორიებიდან.

მიუხედავად ამ გამოწვევებისა, რომელიც საკმაოდ დიდ ენერგიას, დიდ ყურადღებას მოითხოვს ჩვენი ხელისუფლების მხრიდან ყოველდღიურად, საქართველო მაინც რჩება თავისი მომავლის შექმნის პროცესში ოპტიმისტურად და თავდაჯერებულად, იმ ვალებულებების ერთგული, რომელიც ჩვენ აღებული გვაქვს ჩვენი მოქალაქეებისა და პარტნიორების წინაშე. გამოწვევების მიუხედავად, ჩვენ განვსაზღვრავთ ჩვენს მომავალს, რუსეთის ფედერაცია საქართველოს მომავალს ვერ განსაზღვრავს. ჩვენ დარწმუნებული ვართ, რომ ჩვენს პარტნიორებთან ერთად, დასავლეთთან ერთად საქართველო ქმნის თავის მომავალს და მომენტს, როდესაც ჩვენი ტერიტორიული მთლიანობის აღდგენა იქნება შესაძლებელი მშვიდობიანი, დემოკრატიის გაძლიერების უფრო ძლიერი ეკონომიკის შექმნის და პასუხისმგებლიანი საერთაშორისო საგარეო პოლიტიკის წარმოების გზით“,-განაცხადა არჩილ თალაკვაძემ.

admin
ავტ.: admin ოქტომბერი 4, 2019 13:11

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


4,860
ვიზიტორი
დღეში
Powered By Google Analytics