არჩილ თალაკვაძე – ნიკა გვარამია „ნაციონალური მოძრაობის“ პოლიტიკური აქტივისტია და როცა აცხადებს, რომ მედია მის ხელში იარაღი იყო, ეს საგანგაშოა

region
ავტ.: region ივლისი 24, 2019 15:48

არჩილ თალაკვაძე – ნიკა გვარამია „ნაციონალური მოძრაობის“ პოლიტიკური აქტივისტია და როცა აცხადებს, რომ მედია მის ხელში იარაღი იყო, ეს საგანგაშოა

სახელმწიფო პატივს სცემს გადაწყვეტილებას, რომელიც ევროსასამართლომ მიიღო, როგორც პატივს სცემს ყველა სხვა გადაწყვეტილებას, რომელიც ჩვენი ხელისუფლების პირობებში იქნა მიღებული, – ამის შესახებ საქართველოს პარლამენტის თავმჯდომარემ არჩილ თალაკვაძემ „რუსთავი 2“-ის საქმეზე კომენტირებისას აღნიშნა.

როგორც არჩილ თალაკვაძემ განაცხადა, როგორი იქნება „რუსთავი 2“-ის მენეჯმენტი მომავალში, ეს მესაკუთრეებისა და თავად მენეჯმენტის გადასაწყვეტია.

„მინდა, გავამახვილო ყურადღება იმ შემაშფოთებელ განცხადებაზე, რომელიც ტელევიზიის ყოფილმა დირექტორმა ნიკა გვარამიამ გააკეთა და თქვა, რომ მედია და ჟურნალისტები მის ხელში იარაღი იყვნენ. თავად „ნაციონალური მოძრაობის“ პოლიტიკური აქტივისტია, ერთ-ერთი ლიდერი და როცა პოლიტიკური აქტივისტი და ოპოზიციის ერთ-ერთი წევრი აცხადებს, რომ მედია მის ხელში იარაღი იყო, ეს საგანგაშოა. ამაზე საზოგადოებამ რეაქცია უნდა გააკეთოს. „რუსთავი 2“-ის საქმეში კითხვები ვინ იყო მართალი და სად არის სიმართლე, ეს არ არის პოლიტიკოსების დასადგენი, ეს არის სასამართლოს დასადგენი. სასამართლომ გადაწყვეტილება ეროვნულ დონეზე მიიღო და სტრასბურგის სასამართლომ დაადასტურა, რომ ეროვნულ დონეზე მიღებული გადაწყვეტილება სამართლიანი იყო. ამით ყველაფერი ნათქვამია, როცა გაინტერესებთ, ვინ იყო, მტყუანი და მართალი“, – განაცხადა არჩილ თალაკვაძემ.

ხელისუფლებისთვის ფუნდამენტურია მედიის თავისუფლება, დამოუკიდებელი და ობიექტური მაუწყებლობა და ჟურნალისტიკა.

region
ავტ.: region ივლისი 24, 2019 15:48

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


5,525
ვიზიტორი
დღეში
Powered By Google Analytics