არჩილ თალაკვაძე : მიუხედავად პანდემიისა, ეკონომიკური ამოცანებისა, ხელისუფლება ერთ-ერთ უმთავრეს ღირებულებას, დემოკრატიულ პროცესს არანაკლებ ყურადღებას უთმობს

admin
ავტ.: admin მაისი 29, 2020 13:19

არჩილ თალაკვაძე : მიუხედავად პანდემიისა, ეკონომიკური ამოცანებისა, ხელისუფლება ერთ-ერთ უმთავრეს ღირებულებას, დემოკრატიულ პროცესს არანაკლებ ყურადღებას უთმობს

ვფიქრობ, მისასალმებელია, რომ დღეს ინფექცია და პანდემია საქართველოში არის სრული კონტროლის ქვეშ, ეს უდავოდ არის საზოგადოების, ხელისუფლების და ყველა ჩვენგანის დამსახურება, – ამის შესახებ საქართველოს პარლამენტის თავმჯდომარემ, არჩილ თალაკვაძემ პარლამენტის ბიუროს სხდომაზე განაცხადა.

ამასთან, პარლამენტის თავმჯდომარემ პრემიერ-მინისტრის პარლამენტში სტუმრობაზეც ისაუბრა და აღნიშნა, რომ ორი დღის წინ საკმაოდ აქტიური პროცესი იყო პარლამენტში.

„მესმის, რომ ჩვენი, თუ ოპოზიციის მხარდამჭერები შესაძლოა, უკმაყოფილი არიან იმით, რომ მმართველი გუნდის მხრიდან იყო ამომწურავი, ძლიერი პასუხები. შესაძლოა, ოპოზიციის მხარდამჭერები ელოდნენ უფრო კრიტიკულ კითხვებს. ვინ გაიმარჯვა და ვინ დამარცხდა, არ არის მნიშვნელოვანი. მნიშვნელოვანია, რომ დაისვა ყველა კითხვა, რომელიც ჩვენი საზოგადოების რომელიმე ჯგუფს შესაძლოა, ჰქონოდა და რაც მთავარია, ამ კითხვებზე გაეცა პასუხები. ხაზგასმით მინდა ვთქვა, ჩვენ მოვისმინეთ რამდენიმე პოლიტიკური კომენტარი, ამასაც ალბათ გაგებით უნდა მოვეკიდოთ, რადგან ოპოზიციის როლი და ფუნქციაც ეს არის. შეიძლება, უფრო კონსტრუქციულიც იყოს, შეიძლება უფრო დესტრუქციულიც ზოგიერთი პოლიტიკური ჯგუფი, მაგრამ საერთო ჯამში ოპოზიციის ფუნქცია არის ოპონირება და ის, რომ გამოწვევების წინაშე დააყენოს ხელისუფლება. ძლიერი ხელისუფლება არის ის, რომელიც ამას პასუხობს საქმით და არგუმენტებით. კარგია, როდესაც ჩვენ დარწმუნებული ვართ ჩვენს გადაწყვეტილებებში, თუმცა უკეთესია, როცა იმ გადაწყვეტილებებს, რომელშიც ჩვენ ვართ დარწმუნებული, სხვებიც არიან დარწმუნებული. ზუსტად ამას ემსახურება საპარლამენტო პროცესი, ეს არის სივრცე, სადაც მთავრობას, მთავრობის წევრებს, ნებისმიერ ჩვენგან ეძლევა ასპარეზი და საშუალება, დაარწმუნოს მოქალაქე, რომ მისი გადაწყვეტილებები არის სწორი, მოისმინოს განსხვავებული პოზიციები, განსხვავებული აზრი, სწორედ ეს არის დემოკრატია და ასე გვესმის ჩვენ დემოკრატია“, – განაცხადა არჩილ თალაკვაძემ.

მისივე თქმით, მიუხედავად პანდემიისა, ეკონომიკური ამოცანებისა, რაც დღეს ქვეყანაში დგას, ხელისუფლება ერთ-ერთ უმთავრეს ღირებულებასა და პრიორიტეტს დემოკრატიას, დემოკრატიულ პროცესს არანაკლებ ყურადღებას უთმობს და ამისთვის საპარლამენტო განზომილება არის ძალიან მნიშვნელოვანი.

„დღეს პრემიერ-მინისტრი მოდის ინტერპელაციის მეთოდით. ჩვენს მოქალაქეებს მინდა ვუთხრა, რომ არის ორი შეკითხვა დასმული ოპოზიციის მხრიდან. მკაფიოდ არის რეგლამენტის წესები განსაზღვრული, როგორ ხდება ინტერპელაციის პროცედურა. მე, როგორც პარლამენტის თავმჯდომარე, არანაირ იმპროვიზაციებს არ დავუშვებ და ასევე ძალიან სამართლიანად ყველას მიეცემა საშუალება, რომ პროცედურით ისარგებლოს. პროცედურა ასეთია, შეკითხვის ავტორი ოპოზიციური პოლიტიკური ჯგუფი ხუთი წუთის განმავლობაში სვამს კითხვას, შემდგომში პრემიერი პასუხობს ამ შეკითხვას 15 წუთის განმავლობაში, შემდეგ არის დაზუსტება, პასუხი დაზუსტებაზე, შედეგ იწყება პოლიტიკური დებატები, სადაც უმრავლესობა და ოპოზიცია დაახლოებით 20-წუთიანი პერიოდით ოპონირებენ ამ კითხვის და ამ პასუხის გარშემო. საბოლოო ჯამში, პრემიერი წარმოთქვამს შემაჯამებელ, დასკვნით სიტყვას. ეს პროცედურა დღეს ვინაიდან ორი კითხვაა დასმული, გამეორდება ორჯერ, რაც ნიშნავს, რომ ზუსტად ამ თანმიმდევრობით ორივე შეკითხვის გარშემო ჩვენ წარვმართავთ პროცესს, ეს დროები იქნება ზედმიწევნით დაცული. პროცედურის ფარგლებში განვიხილავთ მხოლოდ დასმულ შეკითხვებს, შესაბამისად, სხვა თემების განხილვა არ მოხდება“, – განაცხადა თალაკვაძემ.

admin
ავტ.: admin მაისი 29, 2020 13:19

Google სტატისტიკა


7,467
ვიზიტორი
დღეში
Powered By Google Analytics