არჩილ თალაკვაძე: ეს იყო ფიზიკური თავდასხმა ჩვენს თანაგუნდელზე

თაიმერი timer.ge
ავტ.: თაიმერი timer.ge სექტემბერი 26, 2019 18:44

არჩილ თალაკვაძე: ეს იყო ფიზიკური თავდასხმა ჩვენს თანაგუნდელზე

არავითარი ფიზიკური შეხლა-შემოხლა იქ არ იყო, იქ იყო ფიზიკური თავდასხმა ჩვენს თანაგუნდელზე, ვანო ზარდიაშვილზე, რასაც ცალსახად ვგმობ, – ამის შესახებ საქართველოს პარლამენტის თავმჯდომარე არჩილ თალაკვაძემ განაცხადა პარლამენტის იურიდიულ საკითხთა კომიტეტის სხდომაზე მომხდარ დაპირისპირებასთან დაკავშირებით.

ამის შესახებ კომენტარი თალაკვაძემ ზუგდიდში გააკეთა და აღნიშნა, რომ როგორც კი დაბრუნდება თბილისში, გაარკვევს, რატომ არ იყო უზრუნველყოფილი ზარდიაშვილის უსაფრთხოება.

„როგორც კი თბილისში დავბრუნდები, აუცილებლად გავარკვევ, თუ რატომ მოხდა ისე, რომ მანდატურის სამსახურმა ვერ უზრუნველყო დაშორიშორება და რატომ მოხდა ის, რომ ვანო ზარდიაშვილის ფიზიკური უსაფრთხოება ვერ იქნა დაცული. მომხდარი ლახავს პარლამენტის იმიჯს და ღირსებას, რაც საზოგადოებისთვის არის ძალიან ცუდი მაგალითი, განსაკუთრებით მომავალი თაობისთვის, რომელიც უყურებს ამ პროცესებს პარლამენტში“, – განაცხადა არჩილ თალაკვაძემ.

საქართველოს პარლამენტის იურიდიულ საკითხთა კომიტეტის სხდომაზე, სადაც უზენაესი სასამართლოს მოსამართლეობის კანდიდატს, მირანდა ერემაძეს უსმენდნენ, დამოუკიდებელ დეპუტატ ეკა ბესელიასა და უმრავლესობის წევრ ვანო ზარდიაშვილს შორის ფიზიკური დაპირისპირება მოხდა.

თაიმერი timer.ge
ავტ.: თაიმერი timer.ge სექტემბერი 26, 2019 18:44

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


4,728
ვიზიტორი
დღეში
Powered By Google Analytics