არჩილ თალაკვაძე – ბიძინა ივანიშვილი ლეგიტიმურად არის ჩართული პოლიტიკურ პროცესში

region
ავტ.: region ივლისი 3, 2020 16:14

არჩილ თალაკვაძე – ბიძინა ივანიშვილი ლეგიტიმურად არის ჩართული პოლიტიკურ პროცესში

ბოლო რამდენიმე თვემ საზოგადოებასა და პარტნიორებს კიდევ ერთხელ დაანახა, რომ საქართველოს აქვს დემოკრატიული მმართველობის სისტემა, ქვეყანას მართავენ ინსტიტუტები და ის საჯარო პოლიტიკური პირები, ვინც თანამდებობებზე სახელმწიფო სამსახურში იმყოფებიან, – ამის შესახებ საქართველოს პარლამენტის თავმჯდომარემ, არჩილ თალაკვაძემ კონგრესმენ მალინის განცხადებასთან დაკავშირებულ კითხვის საპასუხოდ განაცხადა.

„საქართველო აგრძელებს დემოკრატიული ინსტიტუტების გაძლიერებას, ქვეყანას აქვს ხელშესახები პროგრესი, როგორც საგარეო პოლიტიკის, ასევე ადამიანის უფლებების დაცვის მიმართულებით. მაიკ პომპეოს ბოლო განცხადება ნახეთ, სადაც ამერიკა ამ პროგრესს უწოდებს ხელშესახებს და საქართველოს ულოცავს მნიშვნელოვანი რეფორმების გატარებას. ჩვენი ქვეყანა არის მომავალზე ორიენტირებული, არჩევნებში კიდევ ერთხელ წარვუდგენთ პროგრამას.

რაც შეეხება ქვეყნის მმართველობის პროცესს, ბოლო რამდენიმე თვემ საზოგადოებასა და პარტნიორებს კიდევ ერთხელ დაანახა, რომ საქართველოს აქვს დემოკრატიული მმართველობის სისტემა, ქვეყანას მართავენ ინსტიტუტები და ის საჯარო პოლიტიკური პირები, ვინც თანამდებობებზე სახელმწიფო სამსახურში იმყოფებიან“,

რაც შეეხება პარტიის თავმჯდომარეს, ბიძინა ივანიშვილს, ის ლეგიტიმურად არის ჩართული პოლიტიკურ პროცესში როგორც პარტიის თავმჯდომარე, ისევე როგორც ევროპაში სხვა მმართველი პოლიტიკური პარტიების თავმჯდომარეები. შეგვიძლია, პირდაპირ ვთქვათ, რომ ოპოზიცია და განსაკუთრებით ძველი ოპოზიცია, ცდილობენ მუდმივ სპეკულირებას, წარსულში ამბობდნენ, რომ რატომ მონაწილეობს, დღეს ამბობენ, რატომ არ მონაწილეობს, ეს არის პოლიტიკური თვალთმაქცობა და ამას ჩვენ ვპასუხობთ საქმით. მგონი, მოქალაქეები ამას ხედავენ“, – განაცხადა თალაკვაძემ.

region
ავტ.: region ივლისი 3, 2020 16:14