გერმანიის სოციალ-დემოკრატიული პარტიის წინადადებით, ევროპარლამენტის ყოფილი თავმჯდომარე, მარტინ შულცი გერმანიის კანცლერის კანდიდატად დასახელდა – წერს “დოიჩე ველე” .
ეკონომიკის მინისტრისა და ვიცე-კანცლერის ზიგმარ გაბრიელის თქმით, შულცი პარტიასაც უხელმძღვანელებს. მისი ძირითადი მოწინააღმდეგე მოქმედი კანცლერი ანგელა მერკელი იქნება, რომელიც კონსერვატიული ქრისტიან-დემოკრატიული პარტიიდან მეოთხედ იყრის კენჭს.
გერმანიაში არჩევნები 2017 წლის 24 სექტემბერს გაიმართება.
