“ალტერნატიული ცესკო და სპეციალური მექანიზმი შესაძლო გაყალბების თავიდან ასაცილებლად” – გაერთიანებული ოპოზიციის შტაბში უკვე მოქმედებს ვებ-საიტი, სადაც დარღვევების შესახებ მიღებული ინფორმაცია შეგროვდება.
მოწყობილია მონიტორინგის სპეციალური სივრცე, საიდანაც შესაძლებელი იქნება იმ უბნების გაკონტროლება, რომლებზეც პირველი ტურის გათვალისწინებით, გაყალბების ყველაზე დიდი საშიშროება არსებობს. მონიტორინგს განახორციელებენ რაიონული შტაბები და ხარვეზების აღმოჩენის შემთხვევაში, ადგილზე მობილური ჯგუფები გამოცხადდებიან.