არავის სურს საქართველოს ომში ჩაბმა, ჩვენი სურვილია, ეს ომი სწრაფად დასრულდეს – კელი დეგნანი

ამერიკის შეერთებული შტატების ელჩმა საქართველოში, კელი დეგნანმა რუსულ დეზინფორმაციაზე კიდევ ერთხელ ისაუბრა და აღნიშნა, რომ საომარ მოქმედებებში საქართველოს ჩართვა არავის სურს.

მისი თქმით, შტატებისა და ევროპის სურვილია, უკრაინაში რუსეთის მიერ წამოწყებული ომი სწრაფად დასრულდეს.

“ეს არ შეესაბამება სიმართლეს. ეს არის დეზინფორმაცია, რომელიც FSB-ს სახელმძღვანელოდან მოდის. ამერიკის და ევროპის სურვილია, რომ ეს ომი სწრაფად დასრულდეს. ეს ომი დაიწყო პუტინმა და მასვე შეუძლია მისი დასრულება ერთ დღეში. ამერიკა და ევროპა საქართველოს ეხმარებიან ყველანაირად, რუსეთს კი ოკუპირებული აქვს საქართველოს ტერიტორია, რუსეთი ცდილობდა ქართული ენის განადგურებას, რუსეთმა წაბილწა თქვენი ეკლესიები, როდესაც ისინი ბოსლებად და თავლებად გამოიყენა. როდესაც საუბარია რუსეთზე ან რაიმე სახის ურთიერთობაზე მათთან, საკმარისია მივიდეთ ადმინისტრაციულ საზღვართან და იქ ვნახოთ, რა ხდება. თქვენი მეგობრები არიან ამერიკა და ევროპა და ეს არის გზა, რომელსაც მოაქვს მშვიდობა სტაბილურობა და კეთილდღეობა”, – თქვა კელი დეგნანმა.

წინა სტატიაში“შეგიძლია იყო გონიერი ადამიანი და იფიქრო შენი ფრჩხილების სილამაზეზე” – პუტინი G7-ის ლიდერებს
შემდეგი სტატიაპაპუაშვილი – ახლა მნიშვნელოვანია, როდესაც საქართველოს სჭირდება ნატო, ნატო-ც იყოს სწორად იქ