შაბათს მთავრობის კანცელარიაში გაიმართება არასაპარლამენტო ოპოზიციის შეხვედრა პრემიერ-მინისტრთან. შეხვედრას დაესწრება “თავისუფალი საქართველოს” ლიდერი კახა კუკავა.
განხილული იქნება საარჩევნო რეფორმის რამდენიმე ვარიანტი. ვენეციის კომისიის დასკვნის შემდეგ კიდევ ერთხელ გახდა აშკარა, რომ საქართველოს საარჩევნო კოდექსი არ შეესაბამება მინიმალურ საერთაშორისო სტანდარტებსაც კი.
პრაქტიკულად ეს შეხვედრა იქნება უკანასკნელი შანსი, რათა ურთიერთობები ხელისუფლებასა და ოპოზიციას შორის ცივილიზებულ ჩარჩოებში მოექცეს და თავიდან იქნეს აცილებული ვითარების დესტაბილიზია, როგორც არჩევენის წინა, ისე არჩევნების შემდგომ პერიოდში.
