“არაფერი გაკეთდა იმ ადამიანების დასასჯელად, რომელთა გამოც დღეს სახელმწიფოს უხდება ბოდიშის მოხდა”- მერაბიშვილის საქმე

ქეთი ფერაძე
ავტ.: ქეთი ფერაძე ნოემბერი 29, 2017 10:14

“არაფერი გაკეთდა იმ ადამიანების დასასჯელად, რომელთა გამოც დღეს სახელმწიფოს უხდება ბოდიშის მოხდა”- მერაბიშვილის საქმე

თუ პატიმარ ვანო მერაბიშვილთან მიმართებით ვინმემ კანონი დაარღვია, ეს ავტომატურად არ ნიშნავს იმას, რომ მერაბიშვილი უდანაშაულოა, – განაცხადა პრეზიდენტის ადმინისტრაციის უფროსმა გიორგი აბაშიშვილმა ვანო მერაბიშვილის საქმესთან დაკავშირებით სტრასბურგის სასამართლოს მიერ მიღებულ გადაწყვეტილებაზე საუბრისას. მისივე თქმით, აუცილებელია, სასჯელი მოიხადოს ადამიანმა, რომელმაც მერაბიშვილის მიმართ კანონი დაარღვია და კონკრეტული პირების გადაცდომების გამო, სახელმწიფოს არ უნდა უხდებოდეს ბოდიშის მოხდა.​

„ძალიან სამწუხაროა, რომ პრაქტიკულად წელიწადნახევრის განმავლობაში, საქართველოში არაფერი გაკეთდა იმ ადამიანების დასასჯელად, რომელთა გამოც დღეს სახელმწიფოს უხდება ბოდიშის მოხდა. არ ვიცით არცერთი იმ ადამიანის სახელი, რომელმაც პატიმარ მერაბიშვილთან მიმართებით კანონი დაარღვია. ამ ადამიანები გამო, სახელმწიფო იხდის ბოდიშს. „ნაციონალური მოძრაობის“ პერიოდში აძლევდნენ ადამიანები თავს უფლებას, გადაემეტებინათ სამსახურებრივი მოვალეობებისთვის და სწორედ ამას გადაყვა „ნაციონალური მოძრაობა“. სამწუხაროდ, დღეს იგივე ტენდენცია გრძელდება“, -განაცხადა გიორგი აბაშიშვილმა.

ქეთი ფერაძე
ავტ.: ქეთი ფერაძე ნოემბერი 29, 2017 10:14

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


16,681
ვიზიტორი
დღეში
Powered By Google Analytics