არსებული მძიმე მდგომარეობის, სამომავლოდ დიდი ადამიანური დანაკარგისა და არცახის სრული დაკარგვის თავიდან აცილების მიზნით, ომის შეწყვეტასთან დაკავშირებით თანხმობა გავეცი, – ამის შესახებ არაღიარებული მთიანი ყარაბაღის პრეზიდენტის, არაიკ არუთუნიანის განცხადებაშია ნათქვამი.
„დღეს მთელი დღის განმავლობაში პრემიერ-მინისტრ ნიკოლ ფაშინიანთან ერთად განვიხილავდით ჩვენს ქმედებებს საომარ მოქმედებებთან დაკავშირებით. ამ თემაზე ვიმსჯელე არცახის ეროვნულ კრებასთანაც და სრული თანხმობა მივიღე. არსებული მძიმე მდგომარეობის, სამომავლოდ დიდი ადამიანური დანაკარგისა და არცახის სრული დაკარგვის თავიდან აცილების მიზნით, ომის შეწყვეტასთან დაკავშირებით თანხმობა გავეცი. ღრმა მწუხარებას და პატივისცემას გამოვხატავ დაღუპულთა ოჯახის წევრების და მთელი ქვეყნის წინაშე. ჩვენ კიდევ გვექნება დრო ჩვენი დაღუპული გმირების ნათესავებთან დიალოგისთვის“, – აცხადებს არუთუნიანი.
