არაბთა გაერთიანებული საამიროების მრეწველობის მინისტრი და აბუ დაბის სახელმწიფო ნავთობკომპანიის ხელმძღვანელი სულთან აჰმედ ალ-ჯაბერი სოციალურ ქსელში წერს, რომ ჰორმუზის სრუტე არც არასდროს ყოფილა ირანის უფლებამოსილების ქვეშ.
„ამის ნებისმიერი მცდელობა არ არის რეგიონული საკითხი. ეს არის გლობალური ეკონომიკური სიცოცხლის შეფერხება და პირდაპირი საფრთხე ყოველი ქვეყნის ენერგეტიკული, სასურსათო და ჯანდაცვის უსაფრთხოებისთვის“, – წერს ალ-ჯაბერი.
არაბთა გაერთიანებული საამიროების მრეწველობის მინისტრმა ასევე აღნიშნა, რომ მსგავსი პრეცედენტის შექმნა უკანონო, საშიში და მიუღებელია და მსოფლიომ ეს არ უნდა დაუშვას.
