არაადეკვატური იყო რეაქცია იმ დოკუმენტის მნიშვნელობისა, რაც მას რეალურად ჰქონდა – თურნავა “ანაკლიის კონსორციუმს” პასუხობს

თაიმერი timer.ge
ავტ.: თაიმერი timer.ge მაისი 31, 2019 12:36

არაადეკვატური იყო რეაქცია იმ დოკუმენტის მნიშვნელობისა, რაც მას რეალურად ჰქონდა – თურნავა “ანაკლიის კონსორციუმს” პასუხობს

ეკონომიკის მინისტრი ამბობს, რომ ფოთის პორტის მშენებლობის ნებართვის გაცემასთან დაკავშირებით, ანაკლიის კონსორციუმის რეაგირება არაადეკვატური იყო. განცხადება მინისტრმა “კურიერთან” გააკეთა.

თურნავამ საკუთარი უწყების სკანდალზე, კიდევ ერთხელ ისაუბრა და თქვა, რომ ფოთის ახალი ღრმაწყლოვანი პორტის მშენებლობის ნებართვა, მისი თანხმობის გარეშე გაიცა. მინისტრის თქმით, მომხდარზე უკვე მიმდინარეობს შიდა მოკვლევა.

„დღეს მივეცი განკარგულება და შიდა მოკვლევა ამ საკითხზე მიმდინარეობს. თუ რატომ მოხდა ასე, რომ ამდენად მნიშვნელოვანი პროექტთან მიმართებაში, თუმცა, არც ისე მნიშვნელოვანი დოკუმენტი, ეს წინარე მოხმარების დოკუმენტი ისე, რომ მინისტრი არ იყო საქმის კურსში. თვითონ დოკუმენტი, როგორც მოგახსენეთ არ იყო სამშენებლო ნებართვა და თვითონ გადაჭარბებულია რეაქცია, რაც იგივე ინვესტორმა ამის ირგვლივ აჟიოტაჟი ატეხა, ესეც აზიანებს ანაკლიის პროექტს. აშკარად, არაადეკვატური იყო რეაქცია იმ დოკუმენტის სტატუსისა და მნიშვნელობისა, რაც მას რეალურად ჰქონდა

გაცემული დოკუმენტი, რომელიც უკვე გაუქმდა, არ იყო სამშენებლო ნებართვა, შესაბამისად, პროექტის დაწყებაზე, მშენებლობის დაწყებაზე ვერ იქნებოდა ვერანაირად საუბარი. ეს იყო რაღაც წინარე დოკუმენტი, რომელიც ამასთან ერთად დარღვევითაც იყო გაცემული და უკვე გაუქმებულია და არ ყოფილა შეთანხმებული ჩემთან,“ – ამბობს თურნავა.

თაიმერი timer.ge
ავტ.: თაიმერი timer.ge მაისი 31, 2019 12:36

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


6,804
ვიზიტორი
დღეში
Powered By Google Analytics