„არა ოკუპაციას“ – ირაკლი კვარაცხელიას ოჯახს, საზღვარგარეთ მცხოვრები ქართველები სამძიმარს უცხადებენ

თაიმერი timer.ge
ავტ.: თაიმერი timer.ge მარტი 17, 2019 15:45

„არა ოკუპაციას“ – ირაკლი კვარაცხელიას ოჯახს, საზღვარგარეთ მცხოვრები ქართველები სამძიმარს უცხადებენ

ირაკლი კვარაცხელიას ოჯახს, საზღვარგარეთ მცხოვრები ქართველები სამძიმარს უცხადებენ. „არა ოკუპაციას“ – საპროტესტო აქციები ამ ლოზუნგით, დღეს ევროპის რამდენიმე ქალაქში იმართება.

ამ წუთებში, აქციის მონაწილეები საბერძნეთში შეიკრიბნენ. რუსულ ოკუპაციას საქართველოს მოქალაქეებთან ერთად, ათენსა და სალონიკში, უკრაინელებიც აპროტესტებენ, რომლებიც დღეს აქციაზე საქართველოსთვის სოლიდარობის გამოსახატად, საგანგებოდ მივიდნენ. რამდენიმე საათში კი ანალოგიური აქცია იტალიაშიც გაიმართება.

რუსეთის საელჩოსთან, ირაკლი კვარაცხელიას გაურკვეველ ვითარებაში გარდაცვალებას აპროტესტებენ ბარსელონაში, ანკარასა და ბერლინშიც.

რუსული ოკუპაციის კიდევ ერთი მსხვერპლი, ირაკლი კვარაცხელია სენაკის საკათედრო ტაძრიდან ცოტა ხნის წინ გამოასვენეს. 29 წლის ახალგაზრდა, საოკუპაციო რეჟიმის წარმომადგენლებმა, რამდენიმე დღის წინ, სოფელ ოტობაიადან გაიტაცეს. ის ნაბაკევის სამხედრო ბაზაზე გარდაიცვალა, რომელიც რუსმა ოკუპანტებმა, 4 წლის წინ ააგეს.

ცხედარს წინასწარი ექსპერტიზის მიხედვით, დაზიანებები აღენიშნება, რაც მასზე ფიზიკური ძალადობის კვალზე მიუთითებს.

თაიმერი timer.ge
ავტ.: თაიმერი timer.ge მარტი 17, 2019 15:45

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


7,597
ვიზიტორი
დღეში
Powered By Google Analytics