არა გაზპრომს! ამ ლოზუნგით აქცია ამ წუთებში მიმდინარეობს ბიძინა ივანიშვილის ბიზნესცენტრთან. აქციის მონაწილეები გაზპრომის წარმომადგენლებთან კალაძის მოლაპარაკებებს აპროტესტებენ და ამბობენ, რომ არ დაუშვებენ საქართველოში ამ კომპანიის შემოსვლას.
აქციის მონაწილეებს მიაჩნიათ, რომ გაზპრომის საქართველოში შემოსვლა რუსეთის მიერ საქართველოს დამონებას ნიშნავს. რეფორმირების ცენტრის წარმომადგენლები ფიქრობენ, რომ რუსულ გეგმის განხორციელებაში ბიძინა ივანიშვილი აქტიურად არის ჩართული.
