საქართველოს იუსტიციის უმაღლესი საბჭოს წევრი ნაზი ჯანეზაშვილი ვარაუდობს, რომ გიორგი არევაძეს მოსამართლეობის შესარჩევი კონკურსიდან განაცხადი საკუთარი ნებით არ გაუტანია.
„ჩვენ ვიცით, სხვა მაგალითები იუსტიციის საბჭოს საქმიანობაში, როდესაც სენსიტიურ, ძალიან რეზონანსულ საქმეებზე მომუშავე მოსამართლეები აღარ გამწესდნენ თანამდებობზე. შესაბამისად, მე არ ვფიქრობ, რომ მან თავის ნებით გაიტანა განაცხადი და ეს მისი გადაწყვეტილებაა. შესაძლებელია ვივარაუდო, რომ სამომავლოდ, არ არის გამორიცხული, რომ მანაც გაიზიაროს იგივე ბედი, როგორც სხვა მოსამართლეებმა, რომლებიც არიან ახლა ყოფილი მოსამართლეები და ისინი აღარ არიან სისტემაში. ამიტომ, ამის ლეგიტიმური მოლოდინი მაქვს,“ – განაცხადა ნაზი ჯანეზაშვილმა.