პოლიცია “ერთიანობა ნაციონალური მოძრაობის” ახალგაზრდული ორგანიზაციის ოფისში შევიდა.
“სასამართლო განჩინების საფუძველზე მიმდინარეობს საგამოძიებო მოქმედებები, სხვა კომენტარს ამ ეტაპზე ვერ გავაკეთებთ, შესაბამისის სამსახური მოგაწვდით დაზუსტებულ ინფორმაციას… არ ვარ ვალდებული ვაფრიალო განჩინება ” – ამბობს ადგილზე მყოფი პოლიციელი და შენობაში არ უშვებს პარტიის ერთ-ერთ ლიდერს სოფო ჯაფარიძეს.
ოფისი მარი ბროსეს ქუჩის 6 ნომერში მდებარეობს.
მანამდე, პოლიცია მისული იყო “კოალიცია ცვლილებისთვის” ოფისშიც, თუმცა ჩხრეკის ორდერის მოთხოვნის შემდეგ ოფისი რამდენიმე წუთში დატოვეს.
ჩხრეკა ტარდება ჯგუფ “დაიტოვეს” ადმინისტრატორის, ილია ღლონტის სახლშიც.
