“არ ჰყავს მეუღლე, სტუდენტი შვილი ჰყავს, გადაწყვეტილება სიდუხჭირეს უკავშირდებოდა” – რას ამბობს დედა, რომელსაც ჩვილის გაყიდვას ედავებიან

admin
ავტ.: admin თებერვალი 13, 2020 13:58

“არ ჰყავს მეუღლე, სტუდენტი შვილი ჰყავს, გადაწყვეტილება სიდუხჭირეს უკავშირდებოდა” – რას ამბობს დედა, რომელსაც ჩვილის გაყიდვას ედავებიან

გაყიდული 3 დღის ჩვილის დედა ამბობს, რომ ბავშვის გაშვილება სურდა, რადგან მისი გაზრდის საშუალება არ ჰქონდა.
ირმა მაისურაძემ ვერც 2 000 ლარიანი გირაო გადაიხადა, ამიტომ ის ქალთა კოლონიაში რჩება.
ადვოკატი ნათელა ჩერქეზია მაისურაძის მძიმე სოციალურ მდგომარეობაზე საუბრობს და აცხადებს, რომ ახალგაზრდა ქალს თავდაპირველად აბორტის გაკეთება სურდა.
„ირმა მაისურაძე აღიარებს, რომ გადაიფიქრა აბორტი. გადარჩა ბავშვი. ვფიქრობ, ამ შვიდი კაცის პასუხისგებაში მიცემა იმად ღირდა, რომ ეს პატარა ბიჭი დაბადებულიყო. ეს არის მარტოხელა დედა, რომელსაც არ ჰყავს მეუღლე, ჰყავს ერთი სტუდენტი შვილი, რომელიც მის კისერზეა და ის არჩენს და არის ეკონომიკურად შეჭირვებული. ყველაფერი ის, რაც აბორტს უკავშირდება და ბავშვის მოშორების გადაწყვეტილებას, არის დამოკიდებული მის მატერიალურ სიდუხჭირესთან”- აცხადებს ადვოკატი.

უფლებადამცველის თქმით, მაისურაძეს ექიმმა ურჩია ბავშვი შეენარჩუნებინა.

“ექიმს მისთვის შვილი გაყიდეო არ ურჩევია. მე არ ვიცავ კლინიკის ექიმებს. ნამდვილად არ ვიცი არიან თუ არა ჩართულები. არის დიდი ვარაუდი, რომ არ ყოფილიყვნენ ჩართულები და სიტუაცია მივიდა გაშვილების მომენტამდე.

ირმა მაისურაძე არის ძალიან დათრგუნული. ხუთი დღის წინ საკეისრო კვეთით დაიბადა ბავშვი. ბრალდებული საავადმყოფოდან პირდაპირ მოხვდა საპატიმრო ადგილზე და პროცესზე ის ძალიან ცუდად გახდა, ამიტომ მის გარეშე იყო განხილული საქმე.

დედა არ არის გათავისუფლებული, გირაო ვერ გადაიხადა. მოსამართლემ საკმაოდ სამართლიანად, ყველაზე მინიმალური ოდენობა, ორი ათასი ლარი შეუფარდა. ჯერ ვერ გადაიხადა, მაგრამ მას აქვს 30-დღიანი ვადა და ამ პერიოდში ვეცდებით, რომ გადაიხადოს. ცხოვრებამ აიძულა ეს, თუმცა ეს არ უნდა გაეკეთებინა“, – განაცხადა ადვოკატმა ნათელა ჩერქეზიამ.

admin
ავტ.: admin თებერვალი 13, 2020 13:58

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


7,266
ვიზიტორი
დღეში
Powered By Google Analytics